David Buceta anuncia Watman a súa versión paródica do Home Morcego

FX Gráfic será a encargada de publicar Watman, a parodia que o galego David Buceta fixo sobre o Home Morcego. A obra, en formato cómic-book, incluirá unha historia longa guionizada pola propia editora e debuxada por Buceta, canda a catro páxinas de historias curtas na que o debuxante tamén se encarga do guión. Buceta lembra ademais que este mes de agosto a mesma editora publica a revista Femme X, onde participa coa historia She-Riff, con guión de David Braña.