No final de 2014 contabilizábanse no noso país 497 bibliotecas, oito menos que dous anos antes. Cando menos, así o sinalan os datos que facía públicos onte o Instituto Nacional de Estatística e que corresponden ao último bienio. Ademais, ainda que 1.023.183 persoas do noso país (o 37,8% da poboación) están inscritas como usuarias destes centros de lectura, o número descendeu tamén en 6.673 persoas. A porcentaxe de usuarios do noso país sitúase na actualidade dez puntos por baixo da media estatal, aínda que o número de habitantes por cada punto de servizo (4.113) é inferior ao habitual no conxunto de estado, onde hai un destes puntos a dar servizo por 5.321 persoas.
