A Confederación Española de Gremios e Asociacións de Libreros daba a coñecer onte datos do seu Observatorio da Librería 2014. Segundo os mesmos, continúa un descenso no número destes establecementos a nivel estatal, xa que en doce meses fecharon 912, un 94,45% máis do que en 2013. Ao tempo, tamén baixou a venda de libros, aínda que a tendencia se suavizase a respecto do ano pasado. A nivel galego, o noso país sitúase á cabeza na ratio de librarías por habitante. Así os datos de CEGAL apuntan unha cifra de 14,4 librarías por cada 100.000 persoas en Galicia.
