Logo dun ano de pausa o Festival Cantos na Maré voltará a Pontevedra o vindeiro 16 de xaneiro con "forzas renovadas". Así o aseguraba onte Uxía Senlle, directora do evento dedicado á música da lusofonía, na presentación da nova edición. O cartel que se fixo público achega dous descubrimentos musicais, como son a brasileira Thaïs Morell e a africana de Guinea Bissau Karyna Gomes. Con elas, a propia Uxía estará no escenario canda a Narf, con que comparte o seu último proxecto musial. Como grande incorporación, o encontro contará este ano con Jorge Palma, un dos alicerces da música rock portuguesa. A maiores, a organización sinala que está a traballar para incorporar aínda un novo nome de grande repercusión internacional. As entradas están xa á venda.
