É unha investigación da Facultade de Medicina da Universidade de Santiago, pero está destacada entre os dez estudos máis destacados do ano no campo da arqueoloxía. A análise xenética que o investigador Antonio Salas en colaboración con especialistas das universidades de Oxford, Copenhague, Stanford e Leiden permitiu botar luz sobre o tráfico de escravos de hai tres séculos. En concreto, o estudo analizou o xenoma dos restos de tres individuos atopados na illa caribeña de San Martín, amosou as súas orixes e achegou datos sobre "o proceso de configuración das comunidades afroamericanas e como puideron sobrevivir as culturas africanas no continente americano despois da súa chegada ao novo mundo", segundo sinala o propio Salas. A prestixiosa revista americana Archaeology apunta este traballo como un dos dez principais achados no mundo arqueolóxicos de 2015.
