Un repaso pola produción do artista guatelmateco Luís González Palma é a nova proposta do CGAC para este inverno. O pasado 27 de novembro o centro compostelán abría Constelacións do intanxeible, unha retrospectiva comisariada por Alejandro Castellote e organizada pola Fundación Telefónica. Na mesma, o retrato fotográfico "con persistentes ecos á pintura relixiosa, ao barroco e ao prerrafaelismo" é a forma predilecta para tratar temas recorrentes na produción do artista como a memoria, a introspección, a intimidade, a reflexión sobre o poder e a representación do non visible. Unha tensión constante entre figuración e abstracción e o emprego de códigos tomados de diferentes expresións artísticas caracterizan os traballos expostos, que se poden ver ata o vindeiro 13 de marzo.
