Quique Peón leva os irmandiños á danza con O poder do arcabuz

Hoxe estréase no Teatro Colón da Coruña o espectáculo O poder do arcabuz, unha proposta de danza contemporánea con case un cento de artistas no escenario combinando música e danza (tradicional e contemporánea). O espectáculo é parte do programa de residencias do Teatro Colón e está realizado pola compañía Quique Peón & Cía e o grupo de música e baile tradicional Xacarandaina. A obra recrea as loitas irmandiñas de mediados do século XV, baixo a coreografía de Quique Peón e a música de Pedro Lamas. As entradas para as dúas sesións na Coruña (hoxe e mañá) están esgotadas.