Galicia acadou trece estrelas Michelín na nova edición da Guía Vermella 2016, unha máis que na anterior edición. Desta volta, a estrela vai para Casa Marcelo, un emblemático restaurante compostelán que xa dispuxera da estrela e renunciara a ela cando evolucionara, en 2013, a un formato máis convencional. Galicia convírtese así na cuarta comunidade autónoma en número de estrelas Michelín, despois de Euskadi, Cataluña e Madrid. Todos os restaurantes galegos teñen unha estrela do máximo de tres que concede a Guía Vermella.
