O programa Nexos explora a creación musical atlántica e latinoamericana

O British Council e o Wales Arts son os promotores do programa Nexos, unha iniciativa para crear un laboratorio de creación musical colectiva para a interacción cultural entre Europa e América. Nove músicos de Galicia, Gales, Escocia, Arxentina e Uruguai participan neste proxecto que se desenvolverá en Bos Aires e rematará con dous espectáculos en Gales e Escocia, no festival Celtic Connections. Pola banda galega, participarán Xabier Díaz e Fernando Barroso.