O proxecto Costa dos Castros completa a súa campaña de crowdfunding internacional

O proxecto Costa dos Castros, promovido polas Comunidades de Montes de Oia, acaba de conseguir un novo fito. Promoveron un crowdfunding internacional en colaboración coa empresa británica DigVentures para a recuperación de varios espazos arqueolóxicos e de valor medioambiental e acadaron o financiamento a partir das achegas de ducias de persoas de todo o mundo: 7500 libras. O diñeiro vai destinado á escavación de Chavella, á limpeza e protección do petróglifo do Auga dos Cebros -o famoso conxunto que representa un barco mediterráeno- e ao arboreto de Mougás, pero tamén contarán coas achegas económicas das comunidades de montes. A recuperación do petróglifos será par a primavera do ano que vén e o arboreto será prantado entre finais deste mes ou decembro, en colaboración cos escolares da zona.