O investimento en patrimonio cultural pola Xunta caeu un 36,3 por cento entre 2009 e 2012

Protecturi, unha asociación de carácter estatal para a protección do patrimonio histórico, presentou onte o seu informe anual, no que constata unha caída do investimento público da Xunta no patrimonio histórico e cultural dun 36,3% (aínda que a media global española amosa un recorte do 46.,%) entre o 2009 e o 2012, pasando de algo máis de 32 millóns de euros a algo máis de 20. Ademáis, o turista cultural español tamén gastou moito menos en turismo cultural no mesmo período en Galicia, rexistrando unha caída do 33,7% (que, outra vez, é menos intensa que a media española, nun -43,6%), con cifras de 184 millóns no 2009 fronte ás 122 do 2012. Por último, o turismo cultural estranxeiro subiu 40 millóns de euros, ata os 561 millóns de gasto, nun 7.6% no periodo.