Cambio de ciclo no patrimonio cultural

Nos últimos anos, o gasto liquidado pola Xunta en patrimonio histórico artístico caeu un 10%, resultando en 2010 de algo máis de 24 millóns de euros. A paradoxa é que o gasto dos concellos no mesmo concepto foi aumentando en paralelo á retirada económica da Administración autonómica, acadando en 2009 máis de 26 millóns de euros. Así o desvela un informe do Observatorio do Consello da Cultura Galega.

O contexto actual de crise non favorece a protección e promoción do noso patrimonio histórico e cultural, alomenos desde o punto de vista da Administración autonómica. A caída dos orzamentos destinados a cultura comezou a producirse no ano 2009, e iso conlevou tamén unha reducción dos gastos para protección e promoción de patrimonio histórico e artístico. Sen embargo, a reducción foi menor que noutras partidas de cultura da Xunta de Galicia. Deste xeito, o porcentaxe de diñeiro destinado a Patrimonio no total de cultura foi subindo dun 16.1% en 2009 ata un 42,9% na actualidade.

A paradoxa é que o número de visitantes a monumentos e xacementos arqueolóxicos incrementouse en galicia nos últimos anos de xeito significativo. Deste xeito, no bienio 2006-2007 un 31.6% dos cidadáns visitaran un monumento pero no 2010-2011, a cifra incrementárase ata un 37%, segundo datos do Ministerio de Educación. Igual patrón prodúcese nos sitios arqueolóxicos, qu pasaron dun 10.7% anterior a un 14,5% no 2010-2011.

O Observatorio do Consello da Cultura Galega vai realizar ata 2014 e, de xeito periódico, análises sobre os diferentes sectores e ámbitos da cultura galega, co obxectivo de dispoñer dunha fotografía fiable do estado da cultura.