Un traballo que «presenta un concepto novo» de familia e «revisa o concepto de proscripción e marxinalidade» valeulle á pontesa Bandia Ribeira facerse co Premio de Fotografía Luís Ksado na súa XI Edición. A súa serie O voo do «midgie» foi seleccionada polo xurado entre os 109 traballos que se presentaron ao certame, cun galardón dotado de 6.500 euros. Segundo destaca o xurado, que presidiu Xurxo Lobato, «a obra gañadora trata un tema de actualidade, utilizando unha linguaxe contemporánea, con lírica e sensibilidade». «Hai unha linguaxe críbel, de verismo fotográfico: é un "soño dramático". A autora da obra fuxe de premisas reparadoras e sanitarias; lévanos da súa man a un umbral de periferia social en permanente revisión: a autora dinos "somos nós"», conclúe.
No certame resultaron finalistas Juan Ramón Robles González con Vida e morte na Franxa de Gaza, Francisco Xabier Fernández Comesaña con Aloitadores de Sabucedo, A. Benítez Barrios con Fading Japan, Noela Roibás Rodríguez con Irmán e Ana Belén Rello Férnández con Quidam. No marco das actividades vencelladas ao galardón, esta tarde abre
no Pazo de San Marcos, en Lugo, a mostra antolóxica das dez primeiras edicións do galardón
