Diego Vergés faise co premio Luís Ksado de fotografía

O premio Luís Ksado de fotografía, que convoca cada ano a Deputación da Coruña, foi nesta edición para o artista Diego Vergés. O gañador, que se fixo cos 6.500 euros cos que está dotado o galardón, presentou ao certame unha serie de doce imaxes sobre a prostitución en Filipinas. Segundo o xurado, o autor presenta unha "narración sobria que mantén a dignidade das persoas" que retrata.