O primeiro premio do certame de narración curta Ánxel Fole foi para Luz Darriba na súa XIV edición. A obra Monstros foi seleccionada polo xurado entre os 59 traballos presentados e valeulle á súa autora 1.500 euros. No certame, que convoca anualmente o Concello de Lugo, levou o segundo premio Mercedes Leobalde García, con Fáltasme, mentres o terceiro foi para Neiges d'antan, de Ana María Galego, que levaron 1.000 e 500 euros respectivamente. O xurado estivo formado Marica Campo, Antonio Reigosa e Xoán R. Cuba, e os traballos premiados serán publicados.
