Gonzalo Hermo gaña o Premio Nacional de Poesía Nova Miguel Hernández

O Premio Nacional de Poesía Nova Miguel Hernández, que convoca anualmente o Ministerio de Educación e Cultura ten este ano sabor galego. Gonzalo Hermo acaba de ver recoñecido o seu bo facer lírico na obra Celebración, que publicou na nosa lingua a editorial Apiario. O galardón, dotado con 20.000 euros recoñece a "aposta por abrir novos camiños para a expresión poética" cunha linguaxe "arriscada e anovadora".