Ardalén, a última novela gráfica do galego Miguelanxo Prado, acaba de lle reportar ao seu autor o Premio Nacional de Cómic 2013. O galardón que entrega o ministerio de Cultura está dotado con 20.000 euros e supón o maior recoñecemento á nova arte en todo o estado. A obra gañadora, unha reflexión sobre a memoria cunha ambientación fondamente galega, xa fora recoñecida con premios como o da Crítica e mais o do Saló del Còmic de Barcelona.
