As periferias marcan o XXXIII Outono Fotográfico

Centrado no concepto de periferias, o Outono Fotográfico volta a encher de imaxes o país na súa XXXIII Edición. O proxecto conta desta volta cun total de 87 exposicións, que recollen o traballo de 308 autores e que se poderán ver nun total de 22 localidades, das cales tres son de Portugal. Na sección oficial atópanse nomes como Vari Caramés, Rubén Vilanova, Rubén García, Melania Freire, Joaquín Pintos, Berto Macei, Alex Mente ou José Romay, entre outros. Ademais das mostras, o programa inclúe os habituais apartados formativos.