Jose Romay e Berto Macei levan o Premio Galicia de Fotografía Contemporánea

O Premio Galicia de Fotografía Contemporánea tivo dous gañadores na súa segunda edición. O xurado, composto por Vari Caramés, Juan Curto, Manuel Segade, Vítor Nieves, Xosé Lois Vázquez e polos patrocinadores Encarna Lago e Mª Mercedes Gallego Esperanza, ademais de Manú Gallego Rodríguez como secretaria sen voto, acordou outorgar o galardón ex aequo ás series Le Cirque Noir, de Berto Macei e mais Rururbania Salnés de José Romay. Os dous premiados repartirán os 16.000 euros do galardón e verán os seus traballos publicados en libro, así como cadansúa exposición no Outono Fotográfico de Ourense.