Felipe Criado presidirá a Asociación Europea de Arqueólogos

A Asociación Europea de Arqueólogos terá ao longo dos vindeiros tres anos un presidente galego. Felipe Criado, director do compostelán Instituto de Ciencias do Patrimonio, foi escolleito para o cargo desta prestixiosa entidade logo dun proceso electoral que comezaba o pasado mes de xuño. O encontro anual que a Asociación, considerada a segunda máis importante do mundo no campo da arqueoloxía, celebrou a pasada fin de semana en Glasgow serviu para anunciar o nomeamento. Segundo adiantou Criado, entre os desafíos para o seu mandado están "responder aos retos que a actual situación de crise en Europa formula tamén á arqueoloxía e ao patrimonio cultural, adaptar a organización da EAA ao rápido crecemento que está a experimentar, profesionalizar a súa xestión, e afondar nas relacións cos outros continentes”.