Monterroso acolle o II Festival Agrogay

Granxa Maruxa, en Cumbraos (Monterroso) acolle os vindeiros 29 e 30 de agosto a segunda edición do Festival Agrogay da Ulloa. Este proxecto, que nace coa intención de "visibilizar un rural diverso, afectivo e sexualmente, e dar valor a outros principios como a sostibilidade, o respecto ao patrimonio material e inmaterial, e o ecoloxismo", mestura ocio e militancia. Así, no programa inclúese unha feira de artesanía, un encontro de intercambio de sementes ou debates para crear unha axenda LGTBIQ para o rural con actuacións como as de Fran Rei, De Vacas ou Davide Salvado. Tamén haberá unha ruta de viños por establecemento gay-friendly da zona.