O escritor, profesor e filólogo Manuel Portas Fernández gañou a XXVIII edición do Premio de Novela Manuel García Barros coa obra "Lourenço Xograr". O xurado, composto por Armando Requeixo, Dolores Vilavedra, Juan Blanco Valdés, Carlos Loureiro e Carlos Lema, decidiu outorgar o premio a Portas, que iniciou a súa carreira literaria en 2010 con Denso recendo a salgado. O xurado destacou "a contribución da novela á divulgación da historia e da literatura medieval galegas".
