Os profesionais do teatro piden unha Lei das Artes Escénicas

Os participantes no foro do sector profesional das artes escénicas celebrado onte en Ribadavia, pediron a creación dunha Lei Galega das Artes Escénicas que, entre outras demandas, "refunde" o CDG, outorgándolle máis autonomía no seu financiamento e estrutura. Varios dos profesionais participantes insistiron na refundación do CDG, analizaron a marcha de Manuel Guede e demandaron a recuperación das liñas de axudas clausuradas en 2009 e a creación dun plan estratéxico.