O que fora director da Mostra Internacional de Teatro de Ribadavia e mais da Feira Galega de Artes Escénicas, Rubén García, faleceu na tarde de onte logo dunha longa enfermidade. A Casa da Cultura de Ribadavia acollerá hoxe o velorio do seu corpo. García recibira nos últimos anos recoñecementos coma o da Asociación de Actores ou unha placa que lle entregou o presidente da Xunta, emilio Pérez Touriño. Cristina Domínguez, directora do Centro Dramático Galego, lembra a súa figura e sinala que "Rubén estivo traballando ata o final nas artes escénicas. Aínda participou no xurado do último Premio Abrente".
