Ferrol dedicaralle un museo á memoria histórica

Un centro dedicado á memoria histórica que recolla a represión e a loita contra a ditadura franquista. Esta é a proposta que o Concello de Ferrol acaba de facer para as instalacións da Costa de Mella que comezan o seu acondicionamento a seguir a un proxecto do anterior goberno municipal. A intención é consultar especialistas locais para abordar os contidos do centro. O espazo dispoñible conta con 700 metros cadrados e inclúe unha sala de proxeccións. O Concello prevé que as obras de acondicionamento estean rematadas en novembro e que o centro poida abrir as súas portas a comezos de 2016.