Cultura achega 21.000 euros á Asociación de Escritores en Lingua Galega

A Consellería de Cultura e a Asociación de Escritores en Lingua Galega asinaron dous convenios de colaboración por importe de 21.000 euros, co obxecto de financiar a Gala das Letras que anualmente celebra a asociación e diversos ciclos de cursos, homenaxes e conferencias organizadas pola entidade coas universidades, centros de cultura local e outras entidades.