Mosaico. Luís Seoane. 1974
Luís Seoane e Eugenio Granell comparten espazo este verán. A sede da Fundación Seoane na Coruña dedícalle cadansúa exposición a estes creadores ata o vindeiro 23 de agosto. O regreso dos amantes é o título da mostra que fai un percorrido pola obra de Granell ao tempo que conmemora o vinte aniversario da fundación que leva o nome do pintor e o seu vencello coa cidade da Coruña. En paralelo, Cada cabeza unha cor é a primeira dunha serie de exposicións temáticas dedicadas a Seoane. Desta volta, coa intención de abordar a relación do artista coa cor, preséntase unha selección de fondos da entidade cunha trintena de obras que abranguen óleos, gravados, tapices e producción editorial.
