A Cidade da Cultura administrábase con dúas fundacións, unha pública, que é a titular do Gaiás, e outra mixta, con capital privado e público, destinada a explotar comercialmente a Cidade da Cultura. A Xunta aposta agora por unir as dúas fundacións "para suprimir duplicidades, simplificar o modelo de xestión e garantir unha vía estable de financiamento". Na práctica, non afectará ao funcionamento actual do complexo do Gaiás.
