A crise no CGAC agrávase trala dimisión da presidenta do padroado

A médica e coleccionista de arte Sofía Santos Pérez dimitiu como presidenta do padroado do Centro Galego de Arte Contemporánea. Santos súmase así á demisión de Marisa Sobrino, catedrática xubilidada de arte da USC, quen tamén demitiu a semana pasada. Sofía Santos non fixo declaracións explicando a súa demisión, pero Marisa Sobrino e a deputada do BNG Ana Pontón protestaron polo proceso de elección de novo director do CGAC e "a deriva" na que atopa o CGAC nestes momentos. No concurso de elección de novo director, os dous candidatos que quedaron nos segundos e terceiros postos, Manuel Segade e Juan de Nieves, protestaron pola baremación dos méritos e a convocatoria de probas, que segundo eles favorece ao candidato Santiago Olmo.