Santiago Olmo no Consello da Cultura
Logo do demorado e complexo proceso de selección, con reclamacións e nova rolda de entrevistas incluídas, o Centro Galego de Arte Contemporánea xa ten director. Santiago Olmo impúxose na valoración final definitiva a Manuel Segade, por só nove décimas, e mais a Juan Antonio de Nieves Lamas. Nado en Madrid en 1958, o novo director desenvolveu un intenso labor como comisario con experiencias nas Bienais de São Paulo e Pontevedra. Como crítico de arte, é autor de numerosas publicacións monográficas.
