26 compañías galegas reciben subvencións para a produción de espectáculos

AGADIC, a través desta acción, impulsa a estrea de sete propostas de empresas de recente creación, nove espectáculos de pequeno formato, outros nove de mediano formato e un de gran formato. As contías outorgadas oscilan entre os 58.691 euros que percibirá Sarabela Teatro para a súa adaptación en gran formato (máis de sete intérpretes e un orzamento máximo de 80.000 euros) da novela Ensaio sobre a cegueira, de José Saramago, e os 8.801 euros adxudicados a Larraitz Urruzola Tolosa para a peza de monicreques "A viaxe de Rosalía, subvencionada na categoría dirixida a empresas de recente creación, que sitúa o límite de antigüidade en cinco anos e o de orzamento en 20.000 euros.