Inagúrase o Espazo Natural e Arqueolóxico dos Sete Camiños

Tres comunidades de montes (Salcedo, Lourizán e San Xulián) de dous concellos (Pontevedra e Marín) puxéronse de acordo para xenerar valor a partir do seu monte en común. Cunha marcha a unha serie de actividades inaugurarán este domingo o Espazo Natural e Arqueolóxico dos Sete Camiños, un proxecto que contempla diferentes accións de posta en valor do rico patrimonio cultural e natural desta área, en compatibilidade co aproveitamento económico do monte. O proxecto está a ser levado a cabo a partir dos propios orzamentos das comunidades de montes, sen axudas da Administración.