"Dúas persoas e unha corda vertical… Un espazo que respira, o Ar… Dúas linguaxes expresivas…". Así se presenta AIREnoAR, a nova proposta de danza da coreógrafa Rut Balbís que se estreou onte no Teatro Principal de Compostela. Protagonizada por María Move e Álvaro Reboredo, a produción pode verse tamén esta noite a partir das 20:30 horas. Segundo explica o texto de introdución, a montaxe versa sobre "encontro e desencontro. Habilidades e destrezas loitan nunha relación de busca do entendemento para chegar á harmonía. O espectador é partícipe da creación in-situ do espazo sonoro… AIREnoAR é poesía, beleza, equilibrio..."
