A poeta e xornalista Eva Veiga resultou vencedora na XVIII Edición do Certame de Poesía Concello de Carral. A súa obra Soño e vértice impúxose entre as presentadas por mor da "intensidade simbólica da súa proposta poética, unida ao cultivo extremo dunha lírica que mantén en todo momento unha tensión entre o real e o onírico" segundo argumento ou xurado. Veiga, que recollerá o premio o vindeiro 29 de maio, recibirá 2.000 euros e verá a súa obra editada por Espiral Maior.
O xurado do galardón estivo formado por Oriana Méndez, Miguel Anxo Fernán Vello e Nacho Alonso, coa Concelleira de Cultura, Isabel López Pérez de presidenta e o técnico municipal de Cultura Carlos Lorenzo Pérez como secretario.
