O CCG celebra o seu tradicional Concerto das Letras

Filgueira Valverde un dos promotores da Sociedade Coral Polifónica de Pontevedra e impulsor do Festival da Canción que se desenvolveu na cidade onde foi alcalde. Unha traxectoria que o Consello da Cultura Galega recupera no programa do seu tradicional Concerto das Letras Galegas, que terá lugar o vindeiro sábado 16 no Auditorio Sede Afundación de Pontevedra. A iniciativa, que naceu para xuntar música, poesía e palabra arredor da figura homenaxeada en cada edición, acollerá a estrea dunha obra de Xavier de Paz sobre textos de Filgueira. As entradas pódense retirar a partir de mañá nos despachos de billetes das sedes de Afundación na Coruña, Ferrol, Ourense, Pontevedra, Santiago de Compostela e Vigo.
O concerto correrá a cargo da Real Filharmonía de Galicia coa participación da Sociedade Coral Polifónica de Pontevedra, baixo a dirección de Maximino Zumalave. A soprano Carmen Durán e o barítono Gabriel Alonso Díaz interpretarán obras de Joly Braga Santos, Xosé Castro “Chané”, Antonio Iglesias Vilarelle e Xavier de Paz, partituras compostas sobre textos de Rosalía de Castro, Manuel Curros Enríquez e Xosé Filgueira Valverde. As entradas pódense retirar nos despachos de billetes das sedes de Afundación na Coruña, Ferrol, Ourense, Pontevedra, Santiago de Compostela e Vigo, a partir do 8 de maio en horario de 09:00 a 14:00 horas e de 17:30 a 20:30 horas. Na sede de Lugo o horario será de 18:00 a 21:00 horas. Desde o 15 de maio as entradas só estarán dispoñibles na Sede Afundación de Pontevedra.