Cantata das cantigas, de Roxelio Groba, e Caderno de bitácora de Valentín Paz Andrade, de Juan Durán, son as obras que a Real Filharmonía de Galicia estreará no II Concerto Día das Letras Galegas que se celebra esta noite en Pontevedra. Maximino Zumalave dirixe a formación nun recital que organiza o Consello da Cultura Galega e que contará coa presenza da Sociedade Coral Polifónica e o Coro Académico do Conservatorio Profesional Manuel Quiroga de Pontevedra. O evento celébrase a partir das 21 horas no Pazo da Cultura.
