A implantación de especies foráneas en novos ecosistemas supón a segunda causa de destrución de biodiversidade a nivel mundial. Para conscienciar sobre este perigo e facilitar a implicación dos interesados en palialo a Asociación para a Defensa Ecolóxica de Galiza (ADEGA) acaba de editar dous folletos nos que dá conta das principais especies invasoras que se poden atopar no noso país.
Un total de 28 especies recóllense nestas publicacións, dedicadas respectivamente a plantas e a animais. Mapaches ou sapoconchos de florida, bambús ou xacintos de auga son identificados mediante descricións, debuxos e datos para facilitar a súa identificación.
