AMUSICA é o nome co que se acaba de constituír a Asociación de Músicos e Cantantes da Verbena Galega. O colectivo organizouse coa intención de dar solución "aos problemas que ten intentar vivir da música en Galicia", e salienta que esta industria "nunca contou por parte das Administracións Públicas coa axuda e apoio necesario para velar polo futuro tanto da Festa en si como das persoas que traballan para ela". O colectivo conta co apoio de despachos de avogados para garantir a defensa dos intereses dos seus asociados. Coñece máis sobre este sector e as tendencias nas verbenas no noso Dosier.
