A XV edición do ´Correlingua´ arrincará o 4 de maio

Baixo o lema Galego, a nosa creación común, extraido do poema A Fala do escritor Manuel María, a XV edición de Correlingua pasará por doce localidades galegas entre os días 4 e 15 de maio. Esta actividade escolar empezará o próximo 4 de maio en Santiago de Compostela e atravesará outras once localidades, a última celebrarase en Pontevedra o 16 de maio, véspera do Día dás Letras Galegas.

Nesta edición ademais das carreiras deportivas xa se celebraron varios certames para a elaboración dun manifesto e dun vídeo, a partir dos que se pode comprobar que o alumnado analiza o contexto lingüístico no que se sitúan falando galego.
Os traballos gañadores foron os elaborados polo alumnado de Educación Secundaria Obrigatoria do centro Sagrada Familia de Aldán, en Cangas (Pontevedra), e o de 4º de ESO do CPI Pontecesures (Pontevedra).

Cada unha das doce carreiras rematará nunha festa final na que se dará lectura ao manifesto gañador e na que actuará un dos grupos gañadores do Cantalingua, outro dos certames do Correlingua. Para esta edición os grupos seleccionados foron elixidos polo alumnado e o profesorado de diversos centros e os gañadores son: Bocinazo, Monoulious Dop e Sacha na horta. O músico e escritor Xurxo Souto, autor do himno do Correlingua, será o encargado de conducir o acto da festa final desta edición.