Joaquín García Portela
Unha colección de filmes caseiros realizados nos anos 30 polo fotógrafo da Guarda Joaquín García Portela. Este é o legado que recentemente chegou ás mans do Proxecto Socheo, que recupera o patrimonio audiovisual do Baixo Miño, da man das netas do fotógrafo. Entre as imaxes atópanse filmacións de festas populares, traballos do campo e do mar e mais escenas familiares. Agora, os responsables de Socheo solicitan apoio para conseguir a dixitalización e conservación deste material.
Segundo sinalan, o Centro Galego de Artes da Imaxe carece do equipamento necesario para traballar co formato de película Pathé, de 9,5 milímetros, no que se realizaron os filmes. A única opción pasa por enviar o material a un laboratorio madrileño, o que supón un orzamento que o colectivo non está en condicións de asumir.
En paralelo, as iniciativas de recuperación cinematográfica protagonizan hoxe o A Fondo do semanario Sermos Galiza, un especial dirixido por Xurxo González, coordinador do Proxecto Socheo.
Reportaxe sobre a Agrupación Cinematográfica Galega
Reportaxe sobre o proxecto Socheo
O traballo do CGAI na recuperación de filmes
A lembranza do ollar(I): O arquivo histórico on line da CRTVG
A lembranza do ollar (II): Proxecto Socheo
