Manolo Moldes. As mozas de Pontevedra. 1984 Fonte: Atalaia
Daniel Cerecedo Bretal realiza este novo itinerario por Atalaia, o noso soportal de arte. Este percorrido persoal pola nosa gran galería de arte contemporánea titúlase "E ti, ¿de quen vés sendo?". O seu eixo vertebral é a referencia que cada unha das obras fai a obras precedentes, dun ou máis autores. Mediante a observación e a análise de cada traballo, pretenderemos descubrir a que creadores e a que obras miraron antes de facer as súas para, baixo este enfoque xenealóxico (no que acudiremos ós antepasados ou antecedentes de cada artista), coñecer de quen veñen sendo e poder comprendelas mellor.
