David Rubín. Mural "O Alfaiate", 2008
Unha canción de Siniestro Total da pé ao comisario Manuel González a reinterpretar a golpe de arte un itinerario por Atalaia, a canle de arte de Culturagalega.org. Obras de Xoan Anleo, Vicente Blanco, Vari Caramés dan pé a este percorrido que busca nas relación entre suxeito e identidade nunha das etapas máis desprecupadas da vida, a adolescencia.
Dicía Oscar Wilde que “para recuperar a xuventude, abonda con reptir das mesmas loucuras”. Unha máxima que serve a este estuante do Mestrado de Arte da Universidade de Santiago, Manuel González, para falar trazar unha xenealoxía icónica o redor da cultura xuvenil e do paso do tempo. Ao grito de Nocilla, que maravilla!, popularizada por un anuncio de televisión, que serven a González para repasar obras de artistas como Suso Fandiño, David Rubín, Diego Santomé ou Xoan Anleo.
Atalaia é o centro de recursos para coñecer aos artistas, as obras, os eventos, as publicacións e as entidades vinculadas á arte contemporánea en Galicia que mantén desde hai un ano Culturagalega.org. O proxecto está coordinado pola Sección de Artes Visuais Contemporáneas do Consello da Cultura Galega e propon a críticos, profesionais e estudantes de arte contemporánea un percorrido guiado polo catálogo que está na rede, para redescubrir as obras dos artistas.
