Os colexios deberán pagar por proxectar filmes

A Xunta chegou a un acordo con Egeda, unha entidade xestora de dereitos audiovisuais, para que os colexios poidan pagar unha tarifa plana anual por consumo de filmes completos. A tarifa, de 1,25 euros/ano por alumno, permitirá visualizar o catálogo de Egeda. En xaneiro de 2015 entrou en vigor a nova Lei de Propiedade Intelectual que obriga aos colexios a pagaren pola proxección de filmes. Para un colexio de primaria a tarifa pode supor uns 680 euros ano, que deben ir con cargo á partida de gastos de funcionamento. A CIG protestou polo "negocio de empresas privadas" en centros educativos.