A película é unha das seis seleccionadas para optar á sexta edición do prestixioso premio instituído pola EGEDA (Entidade de Xestión dos Dereitos dos Productores Audiovisuais). Onda a película galega, títulos coma "El Bola", "La comunidad" ou "You Are the One".
Destacado Premio
O premio José María Forqué instituíuse hai seis anos pola EGEDA para honra-la memoria dun dos nomes básicos da cinematografía española e promover a producción audiovisual no Estado. Neste sentido, cada ano premia a película máis valorada a nivel técnico e artístico polos socios da institución. O premio José María Forqué vanse consolidando ano a ano e a gala de entrega acda unha ampla cobertura mediática con transmisión televisiva, que nesta edición terá lugar a finais de maio.
Competencia
As películas que compiten con "Sei quen és" polo galardón son “El Bola”, “La Comunidad”, “La Espalda del Mundo”, “Leo” e “You Are the One”, todas elas cun amplo éxito de crítica e de público. En anos anteriores resultaron premiados filmes da altura de “Nadie Hablará de Nosotras Cuando Hayamos Muerto”, “Tesis”, “La Buena Estrella” ou “Barrio”.
A por outro
O feito de optar a este galardón súmase ós recoñecementos que xa obtivera esta producción galega, entre eles, a participación na Berlinale 2000 ou o premio á mellor película nos AGAPI ou o Goya á mellor banda sonora.
