Fotografía de Luis Miguel Bugallo Sánchez.
Adolfo Enríquez, párroco de Vilanova dos Infantes, apareceu onte morto, aparentemente en relación a un roubo sufrido na súa casa. O falecemento do sacerdote deixa en paradoiro descoñecido a imaxe da Virxe do Cristal, que custodiaba na reitoral. Segundo recollen hoxe diferentes medios, a casa do párroco estaba revolta, mais aínda non se verificou a substracción de bens na mesma. La Voz de Galicia recolle testemuños que apuntan posibilidade de que o párroco tivese agochado a figura, que habitualmente levaba consigo, aínda que na casa reitoral só apareceron as fundas baleiras nas que se gardaba.
A figura única, datada no século XVII consiste nunha imaxe da Virxe María inseria nun óvalo de vidro e o seu culto foi inspiración para o poema homónimo de Curros Enríquez. Segundo La Voz, a arcipreste de Celanova e unha monxa que coñecían a localización exacta da figura na casa tentarán acceder hoxe á mesma para localizar este ben.
