Presentan un diccionario de escritoras do século XIX

Tradicionalmente asociamos o século XIX a figuras como Rosalía de Castro ou a condesa de Pardo-Bazán, pero alomenos cento cincuenta mulleres asomáronse á escrita durante o século XIX en Galicia. Así o demostra o libro Escritoras na Galicia do XIX, editado por Carlos Andrés González Paz e que conta cun equipo de quince redactores especialistas. O libro está editado polo Instituto Padre Sarmiento de Estudos Galegos, pertencente ao CSIC.