Luís Valle gaña o III Premio Lueiro Rey de Poesía

As cicatrices do sol é o título do poemario co que Luís Valle se impuxo na terceira edición do Premio Lueiro Rey de Poesía. O autor lucense impúxose entre as 39 obras presentadas cunha obra que o xurado considerou cunha importante "forza simbólica" e unha imaxinería orixinal. Valle faise así cos 2.500 euros do galardón e será a organización do premio, compartida pola Asociación Cultural O Cruceiro da Laxe e o Concello de Fornelos de Montes a responsable de o publicar. A coincidir con este fallo dábase a coñecer a nova páxina dedicada a Lueiro Rey, onde se poden atopar, entre outros contidos, apuntamentos biográficos e fotografías do autor.