Nace a Asociación Galega da Crítica

Este luns constituise na Facultade de CC. da Comunicación da USC a Asociación Galega da Crítica, unha entidade que quere contribuír á "análise e estudo da produción literaria, cultural e artística do país" e contribuír á súa "proxección exterior", establecendo relacións no ámbito ibérico, europeo e atlántico. A súa presidenta é a profesora de Literatura Galega da USC Chus Nogueira e a secretaria, a profesora da Universidade de Vigo Isabel Mociño.