Ángela de la Cruz é unha destacada artista contemporánea radicada en Londres, a quen a Fundación Luís Seoane está a homenaxear a partir da exposición retrospectiva titulada Escombros, comisariada por Carolina Grau. Ata o 24 de maio pódese ver esta colección de arte inspirada nos entullos producidos polos homes e devoltos polo mar ás costas, e nas que Ángela de la Cruz afonda nas relacións entre pintura e escultura.
