Coa visita dos Reis de España o Museo de Belas Artes inaugura ás sete desta tarde a exposición O primeiro Picasso. A grande aposta da axenda cultural da Coruña para este ano achega unha selección de 200 obras, das cales oitenta e unha son do pintor nado en Málaga. Entre estas, recóllense debuxos, bosquexos e traballos posteriores a súa estadía na cidade, entre 1891 e 1895. Canda a elas, poden verse pinturas de autores coetáneos e obxectos que representan a cidade naquela época.
Retratos como o coñecido La muchacha de los pies descalzos, paisaxes da cidade, exemplos de debuxo académico, animais ou escenas costumistas fan parte deste proxecto. A mostra poderá verse desde mañá ata o vindeiro 24 de maio, e estará complementada por outras exposicións e actividades por toda a cidade.
